Папа Бэнэдыкт 16 адведае Рымскі Санктуарый Мучанікаў нашых часоў
Чарговы Касьцёл Вечнага Гораду адведае Папа ў будучым месяцы красавіку. Будзе гэта
Базыліка Сьвятога Барталамея, што знаходзіцца на Востраве Тыбэр, непадалёк Ватыкану.
Ад 2002-га году там знаходзіцца Санктуарый Мучанікаў нашых часоў, які стварыў Папа
Ян Павал ІІ. Даручыў гэты Санктуарый рымскай Супольнасьці Сьвятога Эджыдыя, якая
сёлета ўшаноўвае 40-а годдзе свайго ўзьнікненьня. У сувязі з гэтаю гадавінаю Бэнэдыкт
16 адведае востраў на рацэ Тыбэр у панядзелак 7-га красавіка а гадзіне 17.30 рымскага
часу. Супольнасьць Сьвятога Эджыдыя ўзьнікла ў 1968-м годзе. На сёньняшні дзень
прысутная ў больш за 70-т краін сьвету. Лік членаў перавышае 50-т тысяч. Мэтаю Супольнасьці
ёсьць малітва і служэньне ўбогім, дзейнасьць ў карысьць міру і прымірэньня ды ў карысьць
экумэнічнага і міжрэлігійнага дыялогу.