BE-ja uron që të takohen Jeremiç dhe Thaçi. Norvegjia njeh Kosovën

(28.03.2008 RV)Kosova u njoh sot zyrtarisht nga Norvegjia, ndërsa në veri të vendit gjendja mbetet e nderë. Në Mitrovicë, një postobllok i kontrolluar nga policë serbë është sulmuar nga të panjohur. Ndërkaq, ministrat e jashtëm evropianë të mbledhur në Slloveni urojnë që nesër të takohen ministri i jashtëm serb Jeremiç dhe kryeministri i Kosovës Thaçi, të ftuar në mbledhje.