"Львоўская газета" прапанавала сваiм чытачам напiсаць лiст Свяцейшаму Айцу ў падтрымку
паскорання працэсу беатыфiкацыi мiтрапалiта Андрэя Шэптыцкага.
“Львоўская газета” 13 сакавiка бягучага года пачала унiкальную грамадзянскую iнiцыятыву
пад назвай “Напiшы лiст Папе Рымскаму”. Iнiцыятыва накiравана на ўсхваленне мiтрапалiта
Андрэя Шэптыцкага. У гэтым годзе спаўняецца 53 гады ад пачатку беатыфiкацыйнага працэса
мiтрапалiта Андрэя. Супрацоўнiкi газеты “запрашаюць усiх жадаючых, незалежна ад веравызнання
i нацыянальнасцi, якiя з павагай ставяцца да духоўнасцi i мудрасцi мiтрапалiта, да
яго нястомнай працы i шчырасцi дасылаць лiсты-просьбы, каб быць пачутымi ў Ватыкане,
каб Кангрэгацыя да спраў кананiзацыi святых убачыла, як украiнцы паважаюць вялiкiх
людзей сваёй Царквы”. Яшчэ да падарожжа Свяцейшага Айца Яна Паўла II° ва Украiну,
якое адбылося 23 – 27 чэрвеня 2001 года, духавенства УГКЦ заявiла, што будуць беатыфiкаваны
27 пакутнiкаў. Вернiкi, як пiша “Львоўская газета”, спадзявалiся, што тады ж будзе
завершаны працэс беатыфiкацыi Слугi Божага Андрэя Шэптыцкага. Аднак гэтага не адбылося. Iнiцыятары
сёлятняй акцыi пытаюцца, цi дастаткова сёння робяць вернiкi УГКЦ для таго, каб у Ватыкане
адчулi, якой велiчнай асобай Царквы, Дзяржавы i Народа з’яўляецца Слуга Божы Шэптыцкi? Бiаграфiя
мiтрапалiта Андрэя, звароты грамадскасцi да Свяцейшага Айца Бенедыкта XVI° i ўзор
лiста надрукаваны на старонках чацьвёртага номера “Львоўскай газеты”. Акрамя таго,
чытачы будуць мець магчымасць надрукаваць узор лiста Папе з сайта выдання.