Беларуская суполка Рыму ўшанавала 90-а годдзе абвяшчэньня БНР
25-га сакавіка 1918-га году, ў Менску была абвешчана незалежнасьць Беларускай Народнай
Рэспублікі. Акт 25-га Сакавіка меў вялікае значэньне. Абвяшчэньне БНР паскорыла
працэс стварэньня БССР а таксама стала фундамантам для разьвіцьця беларускага нацыянальнага
руху ў 20-м стагоддзі. З нагоды 90-а годдзя БНР, Дня Волі, маленькая суполка
беларусаў Вечнага Гораду ў Капліцы Ватыканскага Радыё, адслужыла Сьвятую Імшу і малебен
за Беларускі Народ, якім старшынстваў айцец Клод Робінэ, кіраўнік Беларускае Праграмы
Ватыканскага Радыё. Сьвяткаваньні закончыліся супольным пачастункам, на якім прысутнічалі,
апрача беларусаў, таксама прадстаўнікі іншых народаў, што працуюць у нашым Радыё.
Жыве Беларусь