Papa ambasadorit të Greqisë: Evropa duhet të rizbulojë vlerat që burojnë nga takimi
me Ungjillin dhe me kulturën helenistike.
(15..03.2008 RV)Rizbulojini vlerat që burojnë nga takimi ndërmjet kulturës
helenistike e Ungjillit: kjo është thirrja që Benedikti XVI u drejtoi mbarë popujve
të Evropës, me rastin e audiencës së ambasadorit të ri të Greqisë pranë Selisë së
Shenjtë, Miltiadis Hiskakis, për paraqitjen e letrave kredenciale. Papa, pastaj, ripohoi
impenjimin për të vijuar ecjen në rrugën ekumenike dhe kërkoi nga autoritetet politike
greke të zgjidhin çështjen e statusit juridik të Kishës katolike në Greqi. Pasi theksoi
se pikërisht shkëmbimi ndërmjet kulturës helenistike e krishterimit i krijoi, së parës,
kushtet të shndërrohet në mësim të krishterë e, së dytës, të pasurohet nga gjuha e
filozofia greke, Benedikti XVI uroi edhe që Greqia të ketë një rol të rëndësishëm
në kremtimet jubilare për dymijëvjetorin e lindjes së Shën Palit Apostull, gjë që
do t’i japë një shtytje të re ecjes në rrugën e ekumenizmit, drejt bashkimit të plotë
të të gjithë të krishterëve.