Të kapërcehen tensionet e të promovohet paqja e vërtetë themeluar mbi drejtësi e liri:
kështu i tha Papa ambasadorit të ri të Bolivisë
Promovimi i paqes së themeluar mbi drejtësinë, të vërtetën e lirinë: kjo është thirrja
që Papa Benedikti XVI i drejtoi ambasadorit të ri të Bolivisë pranë Selisë së Shenjtë,
Karlos Federiko de Riva Guerra, të cilin e priti sot paradite në audiencë për paqraqitjen
e Letrave Kredenciale. Ati i Shenjtë Racinger siguroi impenjimin e Kishës katolike
në promovimin e zhvillimit njerëzor e shpirtëror të bolivjanëve si dhe për pajtimin
e shoqërisë civile. Bolivia në këtë periudhë, nënvizoi Papa, po ballafaqohet me
ndryshime të mëdha që shpesh krijojnë situata edhe shqetësuese. Prandaj, tha Benedikti
XVI, “nuk mund të mbesim indiferent para rritjes së tensionit shoqëror që shkaktohet
nga ndarja jo e drejtë dhe e pabarabartë e të mirave ekonomike, çka po krijon një
atmosfere që nuk ndihmon mirëkuptimin” e anasjelltë në Vend. E përikisht për ardhur
deri te një zgjidhje e drejtë e paqësore e situatës, Papa Racinger i bën thirrje autoriteteve
politike që të promovojnë dialogun e mbështesin harmonin mes qytetarëve. Bashkëpunimi
mes personave e institucioneve, nënvizoi Papa, duhe të ndihmojë në çrrënosjen e të
këqijave që po e mundojnë popullin fisnik të Bolivisë, i cili shpesh ka pësuar edhe
fatëkeqësi të rënda natyrore që kërkojnë impenjimin vëllazëror të të gjithëve pa dallim.
“Arritja e paqes duhet të bazohet mbi drejtësinë, mbi të vërtetën e lirinë ashtu si
edhe mbi bashkëpunimin e anasjelltë e mbi dashurinë e pajtimin”, tha Papa.