Праграма Богаслужбаў з удзелам Свяцейшага Айца на працягу Вялiкага Тыдня.
Напярэдаднi Святога тыдня Папскi аддзел Лiтургiчных цэрымонiй, як звычайна, абнародваў
праграму цэрымонiй, на якiх будзе старшынстваваць Свяцейшы Айцец. Першай у спiсе падаецца
Пальмовая нядзеля, пад час якой будуць асвячаны алiўкавыя галiнкi, адбудзiцца працэсiя,
будзе цэлебравана Iмша Гасподнiх Мукаў. У Вялiкую сераду Бенедыкт XVI°, разам з кардыналамi,
бiскупамi i прэсвiтэрамi ў 9.30 сярэднееўрапейскага часу адслужыць Святую iмшу ў базiлiцы
Святога Пятра. У Вялiкi Чацьвер Папа узначалiць а плове шёстай вечара Святую iмшу
Вячэры Гасподняй, пад час якой ён здзейснiць рыт мыцця ног дванаццацi святарам. Сродкi
з традыцыйнага збору ахвяраў, якi праводзiцца пад час гэтай iмшы, будуць накiраваны
на патрэбы аднаго з гаванскiх сiрацiнцаў. У Вялiкую Пятнiцу Бенедыкт XVI° а 17-й гадзiне
ўзначалiць Лiтургiю Слова, Адарацыi Крыжа i прыйме ўдзел у рыце Камунii, пасля чаго,
у 21.15 распачнецца традыцыйная Крыжовая дарога ў рымскiм Калiзеi. Пасхальнае малiтоўнае
чуванне распачнецца ў базылiцы Святога Пятра ў Вялiкую Суботу а 9-й гадзiне вечара.
Вiгiлiя скончыцца ўрачыстай Пасхальнай лiтургiяй. У Пасхальную нядзелю, 23 сакавiка,
а 10.30 ранiцы Свяцейшы Айцец узначалiць Святую iмшу перад ватыканскай базiлiкай.
Пасля ўрачыстай Лiтургii Папа надзелiць усiх вернiкаў блаславенствам “Urbi et Orbi”
(Гораду i Свету).