“Гэты вiзiт, здзейснены ў такi складаны для Iрака момант, з’яўляецца адважным i вельмi
карысным. Ваша прысутнасць тут ёсць знакам таго, што вы падзяляеце нашы цяжкасцi,
занепакоенасць, чаканнi i надзеi. Ваша салiдарнасць дапамагае нам захоўваць надзею.
Спадзяемся, што iншыя паследуюць вашаму прыкладу”, - з гэтымi словамi бiскуп Кiркука,
монс. Луi Сако, звярнуўся да членаў дабрачыннай каталiцкай арганiзацыi “Pax Chrisi”,
якiя прыехалi ў Iрак з Францыi 17 лютага, каб выказаць сваю салiдарнасць з мясцовымi
хрысцiянамi. Монс. Сако зазначыў: “Мы прынялi ў сябе дэлегацыю на чале з монс.
Стонжэ, Старшынёй згаданай арганiзацыi ў Францыi. На спатканне з членамi дэлегацыi
ў халдэйскую катэдру сабралося каля 1500 чалавек. Монс. Стонжэ пад час сваёй прамовы
нагадаў, што мэта вiзiта – паказаць салiдарнасць Каталiцкiх Цэркваў Францыi i Iталii
з iракскiм народам, асаблiва з хрысцiянамi”. Пасля Святой iмшы члены дэлегацыi
сустрэлiся з прадстаўнiкамi розных Цэркваў: асiрыйскай, Праваслаўнай сiрыйскай i Праваслаўнай
армянскай. “У панядзелак 18 лютага, - паведамiў бiскуп Луi Сако, - члены дэлегацыi
сустрэлiся з прадстаўнiкамi шыiтаў, сунiтаў i цывiльных уладаў горада Кiркук. Мясцовы
iмам i iншыя мусульманскiя рэлiгiйныя дзеячы прызналi, што шлях да знiшчэння насiльля
павiнен праходзiць праз спатканнi i дыялог”.