Сусветны Патрыярх Барталамей I° знаходзiцца з вiзiтам у Iталii.
4 сакавiка на факультэте мiжнародных спраў i дыпламатыi унiверсiтэта г. Трыест Сусветнаму
Патрыярху Барталамею I° было прысвоена ганаровае званне “honoris causa”. У прамове,
сказанай у адказ, Патрыярх звярнуў увагу на значэнне дыялогу рэлiгiй i культур у пабудове
будучынi Еўропы. Пры гэтым ён зазначыў, што “Божая дыпламатыя рашуча адрознiваецца
ад чалавечай дыпламатыi”. “Бог у сваёй метадалогii не трактуе як супрацiўнiка цi ахвяру,
якую трэба да чагосцi прымусiць, але як сына, якога Ён вучыць любовi” – сказаў галава
Канстантынопальскага Патрыярхата. 6 сакавiка, а 12 гадзiне, Барталамей I°, разам
з суправаджаючымi яго асобамi, сустрэўся з Бенедыктам XVI°. Пад час спаткання былi
абмеркаваны агульныя пытаннi злучаныя з праблемамi зносiнаў памiж праваслаўнымi i
католiкамi. У другой палове дня, а 17 гадзiне, высокi госць з Канстантынопаля
прыняў удзел у святкаваннi 90-гадавiны з моманту заснавання Папскага Усходняга iнстытута,
у якiм ён сам некалi вучыўся. Ва ўрачыстасцi з боку Каталiцкай Царквы прынялi ўдзел:
Прэфект Кангрэгацыi да спраў Усходнiх Цэркваў i Вялiкi канцлер Папскага Усходняга
iнстытута кардынал Леонардо Сандрi; Старшыня Папскай рады да спраў па спрыянню еднасцi
хрысцiянаў кардынал Вальтэр Каспер; выкладчыкi згаданага iнстытута на чале з рэктарам
айцом-езуiтам Чырылам Васiлем; студэнты iнстытута, якiя, дарэчы, належаць да розных
хрысцiянскiх канфесiй. Пасля абмена прывiтальнымi словамi Барталамей I° звярнуўся
да прысутных з прамовай. У ёй Барталамей I° адзначыў уклад iнстытута, заснаванага
Свяцейшым Айцом Бенедыктам XV°, у развiццё царкоўных навук, перад усiм тэалогii i
кананiчнага права; высока ацанiў шматлiкiя публiкацыi акадэмiчнага характара, якiя
ўбачылi свет дзякуючы навуковым даследванням выкладчыкаў i навучэнцаў Папскага Усходняга
iнстытута. У далейшай частцы сваёй прамовы Канстантынопальскi Патрыярх звярнуў увагу
на розныя аспекты тэалагiчнага i лiтургiчнага характара, якiя вывучаюцца ва Усходнiм
iнстытуте, што служаць справе лепшага паразумення памiж Захадам i Усходам, а значыць
да экуменiчнага наблiжэння. Потым, як i было запланавана, адбылася канфярэнцыя
з удзелам праваслаўнага ерарха. Адкрыў яе дэкан факультэта Усходнiх царкоўных навук
айцец-езуiт Эдвард Фаруджа. Пад час канфярэнцыi прысутныя ў залi выкладчыкi i студэнты
задалi Барталамею I° розныя пытаннi, якiя тычылiся ў асноўным экуменiчных праблем. Трэба
адзначыць, што спатканне з Сусветным Патрыярхам у яго “alma mater” прайшло ў шчырай
сяброўскай атмасферы.