Arriti në Romë Shenjtëria e Tij, Patriku ekumenik, Bartolomeu I
(05.03.2008 RV)Nesër Patriku Ekumenik i Kostandinopojës, do të pritet në Vatikan
nga Ati i Shenjtë, Benedikti XVI. Shenjtëria e Tij shoqërohet nga kryepeshkopi ortodoks
i Italisë dhe i Maltës, Metropoliti Genadios; nga Metropoliti i Heliopolis e i Theirës,
Athanasios dhe Metropoliti i Pergamos, Joanis, kryetar, për palën ortodokse, i Komisionit
të përbashkët për dialogun teologjik të Kishës katolike me Kishën ortodokse. Në grupin
shoqërues bëjnë pjesë edhe diakoni Jon Krisavgis dhe zoti Paul Gikas.