Mblidhet Grupi Ndërkombëtar për Kosovën: nuk do të ketë ndarje tjetër
(28.02.2008 RV)Pas njohjes zyrtare të Kosovës nga Zvicra dhe Austria, përfaqësuesi
i Bashkimit Evropian në Kosovë, Peter Feith i kthehet sot temës së ndarjes së Kosovës
në Mitrovicë. Në Konferencën e Grupit ndërkombëtar për Kosovën, mbajtur sot në Vjenë,
Feith theksoi se nuk do të ketë ndarje të vendit. Grupi, i përbërë nga 15 shtete,
që mblidheshin sot për herë të parë, duhet të kontrollojë zbatimin e planit të Ahtisarit
nga Prishtina. Në të bëjnë pjesë: SHBA-të, Franca, Gjermania, Britania e Madhe, Italia,
Austria, Republika Çeke, Finlanda, Suedia, Turqia, Belgjika, Danimarka, Hungaria,
Sllovenia dhe Zvicra.