Агульная аўдыенцыя Папы ў сераду 27-га лютага

Адбылася яна ў двух частках. З пачатку Папа сустрэўся ў Базыліцы Сьвятога Пятра з індывідуальнымі пілігрымамі і паломнікамі а затым у зале імя Папы Паўла 6-га з зарганізаванымі групамі. Была гэта восьмая сустрэча Бэнэдыкта 16-га з вернікамі ў гэтым годзе. У сёньняшняй катахэзе Сьвяцейшы Айцец працягваў свой цыкл пра Айцоў Царквы.
У сёньняшнім навучаньні Папа працягваў роздумы пра Сьвятога Аўгустына, спасылаючыся да ягонае аўтабіяграфіі, азагалоўленай “Конфэсыёнэс”, значыць вызнаньне.
Сьвяты Аўгустын- сказаў Бээндыкт 16- апісвае ў ёй гісторыю свайго наверненьня. Як малады чалавек, міма турботы сваей маці , Сьвятой Монікі, аддаліўся ад хрысьціянства. Стойка аднак шукаў праўды вывучаючы філасофію. Не знаходзячы ў ёй адказу на свае пытаньні, якія не давалі яму спакою, пачаў вывучаць Пісьмы Сьвятога Паўла. І гэта наблізіла яго да хрысьціянства і да веры.

У 387-м годзе ў Мілане прыняў хрост з рук Сьвятога Амброзія. Затым вярнуўся ў Афрыку дзе заснаваў манастыр у якім аддаваўся кантэмпляцыі і вывучаньню. Неўзабаве быў высьвячаны на сьвятара. Сам акрэсьлівае гэты момант як другое наверненьне.
Ягонае наверненьне- сказаў на заканчэньне сёньняшгяга навучаньня Папа—ажыцьцяўляецца што-дня. Безупынна прасіў Бога прабачэньня, пакорліва прызнаючы, што толькі Хрыстос мог да канца выканаць волю Айца а ўсе члены Ягонага Цела, гэта значыць Царквы, павінны надалей маліцца: “і адпусьці нам нашыя правіны” ачышчаючы жаданьні і надзеі, каб поўнасьцю прыняць любоў Бога.
На заканчэньне аўдыенцыі Сьвяцейшы Айцец прывітаў усіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.