Dita e katërt e vizitës së kardinalit Tarçizio Bertone në Kubë.
(24.02.2008)Vijon në Kubë vizita e kardinalit Tarçizio Bertone, sekretar i
Shtetit ë Vatikanit, me rastin e dhjetëvjetorit të shtegtimit historik të Papës Gjon
Pali II në ishullin karaibik. Sot Hirësia e Tij përuroi monumentin e Papës Vojtila,
ngritur pikërisht në atë vend ku, më 22 janar 1998, kryesoi për herë të parë Meshën
shenjte në trojet kubane, duke u lutur për familjet e këtij kombi të dashur. – E sot,
dhjetë vjet më pas – u tha kadinali Bertone të pranishmëve – ju lutem t’ua transmetoni
mbarë familjeve të kësaj dioqeze dhe të viseve të tjera, përshëndetjen e dashurinë
e Benediktit XVI.Kompleksi monumental, kushtuar Papës, ka në qendër shtatoren Gjon
Palit II. Tani ky kompleks do t’u kujtojë kubanëve se shtegtimi apostolik i Papës
Vojtila vijon t’i ndriçojë Kishën e kubanët, që kanë etje për vlera më të larta shpirtërore,
për vete e për atdheun e tyre të dashur. Po sot sekretari i Shtetit të Vatikanit
u takua edhe me autoritetet e reja të Kubës.