Адбылася яна ў двух частках. З пачатку Папа сустрэўся ў Базыліцы Сьвятога Пятра
з індывідуальнымі пілігрымамі і вернікамі а затым у зале імя Папы Паўла 6-га з зарганізаванымі
групамі. Была гэта сёмая сустрэча Бэнэдыкта 16-га з вернікамі ў гэтым годзе. У сёньняшняй
катахэзе Сьвяцейшы Айцец працягваў свой цыкл пра Айцоў Царквы. Працягваючы роздумы
аб Сьвятым Аўгустыне- сказаў Бэнэдыкт 16 у часе сёньняшяне аўдыенцыі- мы жадаем прыглянуцца
( ў вялікім скароце) ягонаму навучаньню. Пакінуў па сабе вялікую спадчыну, якая
зрабіла вялікі ўплыў не толькі на гісторыю Царквы. Прыкладам гэтага ёсьць напісаныя
каля 4-х сотавага году ягоныя вызнаньні, якія цешыліся на працягу стагоддзяў вялікаю
папулярнасьцю і пачэсным месцам у літаратуры. У сваіх пісьмах Сьвяты Аўгустын кранаў
філазофскім, тэалагічныя, аскетычна-маральныя ды іншыя пытаньні. Па сёньня зьбераглося
больш за трыста ягоных пісьмаў і каля 600 казаньняў. Крыніцы падаюць- зноў сказаў
Папа да прысутных вернікаў- што магло б быць каля 3-4 тысяч казаньняў, якія зьяўляюцца
плодам 40-а гадовага прапаведваньня. У гадах 413-426 узьнік твор “De civitate Dei”.
Ён знаёміць з гісторыяю чалавецтва, якое ёсьць ведзенае Божым Провідам, чалавецтва
падзеленага паміж жаданьнем будаваць Божую грамадзкасьць “Civitate Dei” і земскага
грамадзтва “Civitate Terrena”. Творам асабліва тэалагічнага значэньня- сказаў яшчэ
Папа- ёсьць Трактат “De Trinitate” аб Сьвятой Тройцы, які быў напісаны на аснове Сьвятога
Пісаньня і навукі Царквы. Вялікі водгук мелі таксама катахэтычныя пісьмы, напрыклад
пачатковае навучаньне катэхізісу ды палемічныя пісьмы. Гэтае навучаньне аж па сёньня
астаецца актуальным- сказаў на заканчэньне сёньняшняе катахэзы Бэнэдыкт 16- узбагачаючы
тых, якія з імі знаёмляцца і па прыкладзе Сьвятога Аўгустына ўздымаюць дыялог з Богам
ды з самым сабою.
На заканчэньне аўдыенцыі Сьвяцейшы Айцец прывітаў усіх вернікаў, асабліва хворых,
моладзь ды новыя шлюбныя пары, надзяляючы на ўсіх сваё Апостальскае Блаславенства.