Obama kapërcen Hilari Klintonin në Havai dhe Uiskonsin
(20.02.2008 RV)Barak Obama, kandidati demokrat për presidencën amerikane kapërcen
bindshëm kolegen e tij Hilari Klinton, duke fituar edhe në Havai dhe në Uiskonsin.
Këtu ka fituar edhe senatori republikan Xhon MekKein. Klinton dhe MekKein kanë përdorur
të njëjtat fjalë kundër Obamës, i cili akuzohet se bën premtime elektorale, që nuk
mund t’i mbajë. Hilari Klintonit i duhet tani fitorja e padiskutueshme në Teksas dhe
Ohajo, më 4 mars, përndryshe mund t’i thotë lamtumirë kandidaturës.
Presidenti
pakistanez Pervez Musharraf nuk ka ndërmend të japë dorëheqjen, pavarasisht nga
fitorja e opozitës në zgjedhjet legjislative të së hënës. Presidenti amerikan Bush
nënvizon se zgjedhjet kanë qenë të lira dhe përfaqësojnë një fitore të popullit. Ky
i fundit po largohet gjithnjë e më shumë nga vendi për shkak të krizës politike, pasigurisë
dhe varfërisë në rritje.
Kryeministri armen, Serzh Sarkizian fitoi zgjedhjet
e djeshme presidenciale me 52,86% të votave, sipas deklaratës së Komisionit Qendror
pas numërimit të të gjitha skedave. Në vendin e dytë, me 21,5% të votave, presidenti
aktual Ter-Petrosian, i pari kryetar i shtetit të pavarur të Armenisë, pas shkëputjes
nga Bashkimi Sovjetik. Ter-Petrosian e ka akuzuar kundërshtarin për manipulime dhe
ka udhëhequr rreth 40 mijë protestuesit që sot pasdite zbritën në shesh kundër rezultateve.
OSBE-ja i ka shpallur zgjedhjet në thelb, të rregullta.