10 vjet pas shtegtimit të Gjon Palit II në Kubë, vizita e kardinalit Bertone nga 21
deri me 26 shkurt.
(20.02.2008 2008 RV)U nis sot paradite nga Aeroporti i Fiumiçinos, kardinali
Tarçizio Bertone, sekretar i Shtetit të Vatikanit, për të mbërritur në Havanë, në
dhjetëvjetorin e shtegtimit të paharruar apostolik të Gjon Palit II në Kubë. Atmosferë
entuziaste pritjeje në ishullin karaibik, që jeton në klimën e zevendësimit të Fidel
Kastros nga i vëllai, Rauli, gati një gjysëm shekulli pas fitores së revolucionit
kastrist më 1959.Një program i ngarkuar me veprimtari e me çaste të posaçme e pret
Hirësinë e Tij, që do t’i nisë takimet nesër paradite me vizitën në Seminarin
e Shën Karlit e të Shën Ambrozit, e më pas me Meshën Shenjte në Katedralen e Havanës,
për t’i përfunduar të martën, më 26 shkurt, me kremtimin e Meshës në Penalver,
takimin me salezianët e salezianet e Havanës, vizitën në Shkollën e Mjekësisë Latinoamerikane
dhe takimin me autoritetet civile.