“Me vdekjen e tij, Krishti bëri që Hyji të banojë në zemrën e njeriut”: kardinali
Vanhoi përfundoi reflektimet mbi Letrën drejtuar Hebrenjve në Ushtrimet shpirtërore
të Krezhmëve në Vatikan.
(15.02.2008 RV“Në Besëlidhjen
e Vjetër komunikimi i plotë ndërmjet njeriut e Hyjit ishte i pamundur, sepse Hyji
shikohej si një fuqi e paafrueshme. Ndërsa Krishti, duke vdekur për njerëzimin, na
mundësoi t’i afrohemi shtëpisë së Atit. Që atëherë e deri më sot rruga për të hyrë
në shtëpinë qiellore kalon nëpër fenë, shpresën e dashurinë”. Këto, thënë me dy fjalë,
janë reflektimet kryesore me të cilat kardinali jezuit, Albert Vanhoi, përfundoi meditimin
mbi Letrën drejtuar Hebrenjve, në ditën e gjashtë të Ushtrimeve shpirtërore të Krezhmëve,
të cilat i predikoi para Papës e Kuries Romake.