Згода Папы на паскарэньне працэсу бэатыфікацыі законніцы Люцыі
Бэнэдыкт 16 даў дазвол на пачацьце бэатыфікацыйнага працэсу сястры Люцыі дос
Сантос. Царкоўныя законы патрабуюць 5-ць гадоў чаканьня на распачацьце гэтага працэсу
пасьля сьмерці кандыдата на алтар. Аб гэтай дыспэнсе Сьвяцейшага Айца паінфармаваў
кардынал Мартінс. Прэфэкт Кангрэгацыі Кананізацыйных Спраў 13-га лютага старшынстваваў
ў Коімры Сьвятой Імшы ў трэцюю гадавіну сьмерці законніцы. Ён падкрэсьліў, што рашэньне
Папы ёсьць адказам на “просьбу біскупа Коімбры, якую падтрымалі іншыя біскупы ды вернікі
з цэлага сьвету”. Гэта абазначае, што дыяцэзыльная фаза бэатыфікацыйнага працэсу
славутае кармэлітанкі, падобным чынам як у прыпадку Яна Паўла ІІ ці Маці Тэрэзы, пачнецца
раней чым прадугледжваць адпаведныя законы. Сястра Люцыя памерла 13-га лютага 2005-га
году, маючы 97-м гадоў. Была апошняю з трох пастушкоў, якім у 1917-м годзе абьявілася
Божая Маці. Францішка і Гяцынту, якія памерлі неўзабаве пасьля абьяўленьняў, Ян Павал
ІІ бэатыфікаваў у 2000-м годзе.