Papa kujton Mjeshtrin e Madh të Urdhërit të Maltës, Vëllaun Bertje, që ndërroi jetë dje.

(08.02.2008 RV)Papa shpreh hidhërimin e tij të thellë për vdekjen e Mjeshtrit të Madh të Urdhërit Sovran Ushtarak Spitalor të Shën Gjonit të Jeruzalemit, Rodit e Maltës, Vëllaut Andre Bertje, që vdiq dje në Romë në moshën 78 vjeçare. Në një telegram drejtuar Vëllaut Xhakomo Dalla Torre, mëkëmbës ad interim i Urdhërit, Papa e kujton të ndjerin si personalitet me kulturë të gjërë, që u shërbeu gjithë jetën njerëzve të ligësht e, sidomos, Kishës, duke dhënë një dëshmi të shkëlqyer të jetës së krishterë.