Ngushëllimet e Papës për vdekjen e Kryepeshkopit të Athinës dhe të gjithë Greqisë,
Kristodulos.
(29.01.2009 RV)Në një telegram drejtuar metropolitit të Karistia e Skiros,
Serafim, Papa shpreh ngushëllimet e tij të ndjera për vdekjen e parakohshme të Kryepeshkopit
të Athinës e të gjithë Greqisë, Kristodulos, që ndërroi jetë në moshën 69 vjeçare.
Benedikti XVI kujton me emocion vizitën historike të Kristodulos në Vatikan në dhjetorin
e vitit 2006, pas pritjes vëllazërore që Kryepeshkopi i pati bërë Gjon Palit II gjatë
shtegtimit të tij në Athinë, më 2001. Këto ngjarje – nënvizon Papa – hapën një epokë
të re bashkëpunimi të përzemërt ndërmjet katolikëve e ortodoksëve të Greqisë, duke
shumfishuar takimet e miqësinë, në kërkim të një bashkimi më të ngushtë në rrethanat
e zgjerimit të Evropës së Bashkuar. Pasi siguron se e ndjen veten afër e se lutet
për shpirtin e të Ndjerit, Papa uron që Kisha ortodokse e Greqisë, me ndihmën e hirit
të Hyjit, t’i forcojë më tej arritjet baritore të Kryepeshkopit Kristodulos. Kujtojmë
se salikimet do të kryesohen nga Patriku Ekumenik i Kostandinopojës, Bartolomeu I,
në katedralen e Athinës, ndërsa homelinë do ta mbajë metropoliti Anthim i Selanikut.
Selia e Shenjtë do të përfaqësohet nga kardinali Pol Pupard, kryetar nderi i Këshillit
Papnor të Kulturës dhe nga Imzot Farrel, sekretar i Këshillit Papnor për bashkimin
e të krishterëve.