Ipeshkvijtë filipinas kundër trafikut të organeve

(28.01.2008 RV)Ipeshkvijtë e Filipineve i kërkojnë qeverisë “rregulla më të rrepta” përsa i përket dhurimit të organeve. Ata dënojnë me forcë çdo lloj forme të shitjes e të trafikut të paligjshëm të organeve, sidomos të veshkave. Filipinet bëjnë pjesë në ato vende, që Organizata Botërore e Shëndetësisë i konsideron si terren për të ashtuquajturin “turizëm të transplantimit”. Të varfërit e vendit e shesin një veshkë për 3.600 dollarë, nga të cilat vetëm një e treta u kalon dhuruesve. Të tjerat i marrin ndërmjetësuesit. Sipas një studimi të Organizatës Botërore të Shëndetësisë, shumë faqe filipine interneti propozojnë “paketa transplantimi” që shkojnë nga 70 mijë deri në 160 mijë dollarë.