Sot, në Grotaferrata, paraqitet libri “Dy vëllezër martirë”, shkruar nga rregulltarja
baziliane, motra Elena Lulashi.
(26.01.2008 RV)Duke nisur nga ora 17. 00, pranë Sallës së Konferencave të Abacisë
së Shën Nilit, në Grotaferrata, paraqitet libri i rregulltares Elena Lulashi ‘Dy vëllezër
martirë’. I kushtohet jetës, veprës e martirizimit të dy vëllezërve: atë Marin e don
Aleksandër Sirdani. Botim dygjuhësh, italisht e shqip, i Shoqatës ‘Agimi’ të Otrantos,
që ka dhënë e vijon të japë një kontribut të shquar për ta bërë të njohur botërisht
historinë e martirizimit të Kishës katolike në Shqipëri, libri do të paraqitet nga
Kryetari i Këshillit Papnor të Komunikimeve Shoqërore, imzot Klaudio Maria Çeli; kryetari
i Shoqatës ‘Agimi’, Don Gjuzepe Kolavero dhe françeskani shqiptar, atë Aurel Gjerkaj.Për
të ditur më shumë për librin e ri, me të cilin rifillon tradita e kontributit të rregulltareve
në letërsinë shqipe, deri më sot krejtësisht e mohuar, të ndjekim intervistën e autores,
Regjina Lulashit (motër Elenës), në mikrofonin e kryeredaktorit tonë, dom David
Gjugjës