Koshtunica i kërkon Tadiçit të bllokojë Marrëveshjen e Asociim-Stabilizimit

(23.01.2008 RV)Kryeministri serb, Vojisllav Koshtunica përcakton kushtet e mbështetjes së partisë së tij për presidentin europeist, Boris Tadiç në ballotazhin e 3 shkurtit me ultranacionalistin, Tomisllav Nikoliç. Koshtunica kërkon që Tadiç të impenjohet të mos nënshkruajë Marrëveshjen e Asociim-Stabilizimit me Bashkimin Evropian, nëse Brukseli vendos të dërgojë një mision civil dhe policor në Kosovë. Tadiç ka bërë të ditur se nuk do të pranojë asnjë lloj kushti.