Бэнэдыкт 16 аб заданьнях Сыноду Біскупаў

21-га студзеня Папа сустрэўся з радаю гэнэральнага сакратарыяту Сыноду Біскупаў. У сваёй прамове да іх членаў Сьвяцейшы Айцец падкрсэсьліў актуальнасьць тэмы, якую ўздыме 12-е Звычайнае зграмаджаньне Сыноду Біскупаў, якое будзе мець працы ў днях 5-26 кастрычніка 2008-га году. Сынадальныя працы будуць прысьвечаныя “Слову Божаму ў жыцьці і місіі Касьцёла”. У рамках падрыхтовак да гэтага Сыноду рада разаслала Эпіскапатам паасобных краін ды іншым царкоўным установам дакумант званы “Лінэамэнта”. Рада затым сабрала ў адно іхнія адказы, якія становяць уклад ў апрацаваньне рабочага дакуманту прац Сыноду званага “Інструмэнтум лаборыс”.
Папа зьвярнуў яшчэ ўвагу, што працы Сыноду, якія прыпомнім адбудуцца ў кастрычніку гэтага году, зыходзяцца са сьвяткаваньнямі Году Сьвятога Паўла. Гэты Апостал быў вялікім абвяшчальнікам Слова Божага. Павінен стацца для ўсіх прыкладам, як прыймаць Слова Збаўленьня і ўводзіць яго ў штодзённае жыцьцё.