Një vështrim i kardinalit Angjelo Banjasko mbi Italinë, në hapje të mbledhjes së Këshillit
të përhershëm të Konferencës Episkopale Italiane (KEI).
(22.01.2008 RV)“Një episod i rëndë intolerance, rezultat i sektarizmit liberal”.
Kështu e shpjegoi dje pasdite anulimin e vizitës së Papës në Universitetin ‘La Sapienca’
kardinali Angjelo Banjasko, kryetar i KEI-së gjatë fjalës së hapjes, mbajtur në takimin
e Këshillit të përhershëm të kësaj Konference. Kardinali theksoi posaçërisht objektivat
baritore dhe vlerësimin e disa problematikave aktuale, si moratoriumi mbi abortin,
familja, siguria në punë dhe ligjishmëria publike. Kisha – shpjegoi Hirësia e Tij
– nuk ka plane hegjemonie, as qëllime luftarake. Dëshiron vetëm të ofrojë në Zotin,
një shpresë që mund t’i japë orinetimin e duhur udhës drejt së ardhmes.