У пятніцу 18-га студзеня Сьвяцейшы Айцец накіраваў спэцыяльнае пісьмо да айца
Пэтэра Ганса Кольвэнбаха, дагэтуляшняга Гэнэрала Закону Езуітаў. Папа падзякаваў
айцу Кольвэнбаху за разважлівае кіраваньне законам на працягу нялёгкага 25-ці гадовага
пэрыяду. Запэўніў аб сваёй ўдзячнасьці за ўклад езуітаў у розных галінах апостальства.
Падзякаваў таксама за кампетэнтную дапамогу з іх боку, якой ён зазнаў асабіста як
Прэфэкт Кангрэгацыі Навукі Веры. Бэнэдыкт 16 далей падкрэсьліў у сваім пісьме,
што Касьцёл вельмі моцна разлічвае на Закон Езуітаў у тым, што зьяўляецца яго асабліваю
адказнасьцю на ніве тэалогіі, духоўнасьці і місіі. Спасылаючыся да чацьвёртае прысягі
Айцоў Езуітаў: менавіта шлюбу паслухмянасьці Папе Рымскаму, Сьвяцейшы Айцец заавхвоціў
айцоў езуітаў да вернасьці каталіцкаму навучаньню. Пералічыў тут такія галіны як:
Хрыстос і рэлігіі, тэалогія вызваленьня, сэксуальная маральнасьць, неразрыўнасьць
шлюбнага саюзу.