Nesër fillon Java e lutjes për bashkimin e të krishterëve.
(17.01.2008 RV)Java e 19-të e lutjes për bashkimin e të krishterëve, që fillon
nesër, sivjet përkon me njëqindvjetorin e kësaj nisme, organizuar nga ipeshkvi Paul
Vatson, kremtuar për herë të parë në Grejmor të Nju Jorkut më 18 deri më 25 janar
të vitit 1908. Tema e sivjetme është një frazë e marrë nga Letra e Shën Palit
drejtuar Selanikasve: ‘Lutuni vazhdimisht’.Javën, që fillon zyrtarisht nesër, e përuroi
sot pasdite në Kishën romake të Motrave Brigjidine, kardinali Valter Kasper, kryetar
i Këshillit Papnor për nxitjen e bashkimit të të krishterëve, së bashku me një delegacion
luteran, kryesuar nga ipeshkvi i Turkut, në Finlandë, imzot Këri Maniken.