У нядзелю, 13 студзеня адзначваецца ў каталіцкай Царкве Сусветны Дзень мігранта. Сёлетні
лозунг яго - "Маладыя мігранты:рэсурсы і пагрозы". 30-мільённая армія людзей, у большасці
маладых, бягуць з тэатру войнаў, хвароб, галечы. Але таксама і студэнты часта стаюцца
ў нязвыклых умовах рэкрутамі злачыннасці.
Хто ж ён - чалавек, якога Папа Ян Павел 2 называў жыхаром aжно"4-га свету"? Дзень,
прысвечаны Царквой пакутнаму ўцекачу і эмігранту , прыцягае ўвагу грамадстваў і міжнародных
структур да трагічнай рэчаіснасці. Як падкрэслівае былы Апостальскі нунцы на Беларусі,
а зараз сакратар Ватыканскай Кангрэгацыі для спадарожнікаў і эмігрантаў арцыбіскуп
Агосцін Маркето, (голас)" -Гэта таксама Дзень
для таго, каб заклікаць увагу да злоснага скарыстання, гвалтавання і злачыннасці
ў адносінах да мігранта і да, з іншага боку, уцягання яго ў сетку злачыннасці. Думаю
перш за ўсё пра наймаладзейшых і дзяцей, што стаюцца ахвярамі міграцыі. Для змяньшэння
траўмы перамяшчэння асоб неабходны палітычныя намаганні. Тут канкрэтным заданнем
ёсць ратыфікацыя Канвенцыіі ААН па абароне правоў усіх работнікаў-мігрантаў і членаў
іхных сем'яў, што было моцна выказана Папам Бенедыктам 16 у леташнім прынагодным
пасланні (да Дня мігранта). - зазначыў арцыбіскуп Агосціно Маркето.