Benedikti XVI pret presidentin e Beninit: bisedohet për gjendjen e vështirë shoqëroro-ekonomike
në vend.
(12.01.2008 RV)Sot paradite Benedikti XVI priti në audiencë, në Pallatin Apostolik
në Vatikan, presidentin e Republikës së Beninit, Thomas Yayi Boni, i cili më pas u
takua edhe me sekretarin e Shtetit të Shenjtërisë së Tij, kardinalin Tarçizio Bertone
dhe me imzot Dominik Mamberti, sekretar për Marrëdhëniet me Shtetet.Gjatë bisedimeve
të përzemërta – njofton Salla e Shtypit e Vatikanit – u theksua posaçërisht gjendja
e vështirë shoqërore dhe ekonomike që po kalon vendi, e rënduar edhe më shumë nga
përmbytjet e tetorit të kaluar. U shpreh, gjithashtu, kënaqësia për marrëdhëniet e
mira ekzistuese ndërmjet Kishës e Shtetit. Presidenti, ashtu si kishte bërë pak më
parë duke u takuar me Këshillin Papnor ‘Cor Unum’, shprehu mirënjohjen e tij për kontributin
që japin katolikët në zhvillimin e vendit, sidomos në fushën e arsimit, të edukatës,
të shndetësisë e të zhvillimit të gjithanshëm të njeriut.