Папа Бэнэдыкт 16 сустрэўся з Дыпламатычным Корпусам
У панядзелак 7-га студзеня Сьвяцейшы Айцец сустрэўся з дыпламатамі акрэдытаванымі
пры Ватыкане. На традыцыйнай штогодняй сустрэчы з дыпламатычным корпусам Папа зрабіў
перагляд важнейшых здарэньняў, што адбыліся ў сьвеце. Пачаў ад Лацінскае Амэрыкі,
якую летась адведаў, сустракаючыся ў Бразыліі з біскупамі цэлага кантынэнту. Выказаў
надзею на палепшаньне сітуацыі на Кубе. Успомніў сьціхійныя няшчасьці, такія як землятрасеньне
ў Пэру, паводкі ў Мэксыка і ў Цэнтральнай Амэрыцы. Гаворачы аб Блізкім Усходзе, яшчэ
раз зрабіў заклік да дыялогу і прымірэньня, асабліва ў Сьвятой Зямлі, Лібане і Іраку.
З іншых азійскіх краін кранутых канфліктамі пералічыў Пакістан, Афганістан і Бірму.
Выказаў боль з прычыны цяжкае сітуацыі ў Дарфуры а таксама канфліктаў ў такіх афрыканскіх
краінах як Дэмакратычная Рэспубліка Конга, Самалі і Кэнія. Кіруючы затым думку
на Эўропу, Бэнэдыкт 16 выказаў радасьць з поступаў, што ажыцьцявіліся ў розных балканскіх
краінах. Пажадаў развязкі праблемаў Косава і Кіпру. Спасылаючыся да свайго леташняга
падарожжа ў Аўстрыю, падкрэсьліў ўклад Каталіцкага Касьцёла ў эўрапэйскую інтэграцыю.
Зьвярнуў увагу, што наш кантынэнт не можа адмаўляцца ад сваіх хрысьціянскіх каранёў. Папа
падкрэсьліў таксама значэньне, якое Апостальская Сталіца прыпісвае дыялогу паміж культурамі
і рэлігіямі. Выказаў прызнаньне і ўдзячнасьць за ліст 138-і музулманскіз вучоных
з 13-га крастрычніка 2007-га году. Спасылаючыся да 60-ці годдзя Паўсюднай Дэклярацыі
Правоў Чалавека, падкрэсьліў турботу Касьцёла пра тое, каб былі гэтыя правы не толькі
абвяшчаныя, але таксама ажыцьцяўляныя. Мушу яшчэ раз выказаць мой смутак з прычыны
пастаянных атакаў супраць чалавечаму жыцьцю ды на інтэгральнасьць сям”і, абапёртай
на шлюбным саюзе мужчыны і жанчыны. Асобы адказныя за палітыку, незалежна ад таго
да якой партыі належаць, павінны бараніць гэтую асноўную ўстанову, якая зьяўляецца
ячэйкаю грамадзтва.. Бэнэдыкт 16 выказаў занепакоеньне з прычыны не перасьцераганьня
рэлігійнае свабоды. Сказаў, што ён стаіць ў абароне як дыскрымінаваных хрысьціян
так і пасьлядоўнікаў іншых рэлігій. Апостальская Сталіца ўтрымлівае дыпламатычныя
адносіны са 176-мі краінамі сьвету. 31-га мая 2007-га году наладзіла іх з Арабскімі
Эміратамі. Папа запэўніў дыпламатаў, што памятае таксама і аб тых народах, якія яшчэ
не маюць дыпламатычных адносін з Ватыканам.