Дзейнасць Папскай рады "Cor Unum" у галiне дапамогi пацярпеўшым ад стыхiйных бедстваў.
Больш за мiльён долараў дзеля вырашэння праблемаў, злучаных са стыхiйнымi бедствамi;
амаль 670 тысяч еўра i 87 тысяч долараў для праектаў на карысць жанчын, дзяцей i людзей
сталага ўзросту, а таксама бяздомных; 35 краiнаў, назначаных для гуманiтарнай дапамогi.
Гэтыя грошы былi выдадзены ў 2007 годзе на справы мiласэрнасцi ад iмя Папы праз Папскую
раду “Cor Unum”, якая была заснавана Свяцейшым Айцом Паўлам VI° 15 лiпеня 1971 года. Кардынал
Кордес, якi ўзначальвае цяпер гэту ўстанову, у сваiм iнтерв’ю карэспандэнту афiцыйнай
ватыканскай газеты “L’Osservatore Romano”, гаварыў аб тым, што ў мiнулым годзе дапамога
была накiравана ахвярам паводкi i ўраганаў у Бангладэш, Iндыi, Непале i Пакiстане,
землятрусаў у Перу i Iнданэзii. Асаблiвую ўвагу кардынал Кордес надаў двум фондам:
Яна Паўла II°для рэгiёна Сахель i Фонда “Populorum Progressio”. Абодва гэтыя фонды
ў значнай ступенi падтрымлiваюцца Iтальянскай Бiскупскай канфярэнцыяй дзеля аказання
дапамогi краiнам Трэццяга свету.