Душпастырскія візіты Папы Бэнэдыкта 16 на тэрыторыі Італіі ў 2008-м годзе.
У наступным 2008-м годзе Сьвяцейшы Айцец наведае некалькі італьянскіх гарадоў.
Так паінфармавалі мясцовыя касьцельныя ўлады. Першы з папскіх візітаў адбудзецца
ў Савону і Геную ў днях 17-18 траўня. Падрабязная праграма візіту яшчэ не гатовая,
аднак вядома, што Бэнэдыкт 16 сустрэнецца з моладдзю ды адведае марыйную сьвятыню
Мадонна дэльля Гуардыя. Месяц пазьней,14 і 15 чэрвеня, Папа адправіцца на поўдзень
Італіі, ў Апулію. Там адведае горад Брындізі ды Санта Марыя ді Леўка, што знаходзіцца
недалёка ад гораду Леччэ. За тое 7-га верасьня Бэнэдыкт 16 адведае сталіцу Сардыніі,
Кальяры. Нагодаю будзе сотая гадавіна абвяшчэньня патронкаю востраву Божае Маці,
якую ўшаноўваюць ў мясцовым санктуарыі.