Për shumë vjet Krishtlindjen 2007.

(25.12.2007 RV)‘Për shumë vjet Krishtlindjen! të gjithë juve dëgjues të nderuar të Radio Vatikanit.
Ekipi i programit shqip të Radio Vatikanit bashkon zërin me zërin e Benediktit XVI dhe me korin vigan të urimeve në gjuhën shqipe, që tashmë jehon në mbarë botën, ku jetojnë e punojnë shqiptarët:
Krishti erdhi përsëri ndërmjet nesh. Është po ai Jezus që lindi në Betlehem të Galilesë më se dymijë vjet më parë, po ai që lind në zemrat tona sa herë ecim në rrugën e tij, po ai që vjen në trojet tona, sa herë mbrojmë jetën, drejtësinë, paqen, përparimin.
Hyji bëhet Biri i njeriut, që ne të bëhemi bij të Hyjit!
Urojmë prandaj, që Krishti i vogël e i amshuar të trokasë në zemrat e në vatrat e të gjithë besimtarëve shqiptarë të cilët, shpirtërisht të pranishëm tek Shpella e Betlehemit të Galilesë, bashkojnë sot zërat me korin e Engjëjve në himnin e përjetshëm:“Lumni Zotit në qiell të larta e paqe në tokë njerëzve vullnetmirë!
Urime.Gëzuar! Për shumë vjet Solemnitetin e Lindjes së Krishtit 2007!