Сітуацыя ў Францыі і на міжнароднай арэне была прадметам сустрэчы Папы Бэнэдыкта 16
з Прэзыдэнтам Францыі Саркозы, якая мела месца 20-га сьнежня. Як чытаем у камунікаце
з сустрэчы ў часе размовы кранута адносіны Каталіцкага Касьцёла з Французскаю Рэспублікаю
ды ролю рэлігіі на сьвеце”. Асаблівую ўвагу зьвернута на міжнародную сітуацыю, з
пасланьнем да будучыні Эўропы, канфліктаў на Блізкім Усходзе, грамадзкіх і палітычных
праблемаў ў некаторых афрыканскіх краінах ды на драму заложнікаў—чытаем у камунікаце
Прэсавага Прадстаўніка Ватыкану. Пасьля абеду 20-га сьнежня Прэзыдэнт Францыі ўдзельнічаў
у Літургіі Слова з малітваю за Францыю, якая адбылася ў Базыліцы Сьвятога Яна на Латэране.
У часе гэтага набажэнства Прэзыдэнт Саркозы заняў месца пачэснага каноніка Латэранскае
Базылікі, якое прыслугоўлівае галаве французскае дзяржавы. Першы раз пачэсным канонікам
латэранскае капітулы стаў у 1604-м годзе Гэнрык ІV. Навернуты на каталіцызм з пратэстантызму,
ён карыстаў з дапамогі канонікаў гэтае Базылікі. Гэта быў важны візіт, таму, што
Папа Рымскі ёсьць галавою дзяржавы ды адначасна важным рэлігійным кіраўніком- сказаў
Ніколяс Саркозы ў інтэрв”ю для Ватыканскага Радыё. Прызнаў, што ёсьц католікам “не
толькі з огляду на традыцыю, але і ўсім сваім сэрцам”. У Папе Прэзыдэнт Францыі
бачыць агульнасусьветны, духоўны аўтарытэт і гэта менавіта, як зазначыў, адрозьнівала
гэтую сустрэчу ад іншых сустрэч, якія меў ён з кіраўнікамі многіх дзяржаваў.