Аб важнасці абароны правоў дзяцей па цэлым свеце моцна гаварыў на чарговым паседжанні ААН пастаянны назіральнік Святога Пасаду."Зрабіць свет прыгодным для жыцця дзяцей" - вось якую задачу павінны ставіць адказныя свету.

Арц. Челесціно Мільёрэ ў чарговы раз прыклікаў міжнародную супольнасць зрабіць палітыку па пытанні аховы правоў дзяцей не проста дэклярацыяй намераў,але дзеяннем на аснове закону. Каментуючы Канвенцыю ААН па правах дзяцяці, апостальскі нунцы ў ЗША і прадстаўнік Ватыкану пры ААН падкрэсліў, што паўнацэнная сям'я з'яўляецца трывалай ячэйкай грамадства і найлепшым асяроддзем для развіцця чалавека. Дык у інтарэсах усіх - заахвочваць бацькоў браць на сабе адказнасць за выхаванне сваіх дзяцей і ўмацаванне сям'і. Прынагодна арцыбіскуп прыпомніў, што каталіцкая Царква з'яўляецца традыцыйна адным з асноўных педагогаў, кіруючы чвэрцю мільёна школ па цэлым свеце. у іх выкладаюць 3-ы з паловай мільёны настаўнікаў і навучаецца каля 42 млнаў вучняў і студэнтаў . Многія ўстановы знаходзяцца ў бедных краінах. у сельскай мясцовасці, у фабрычных і заводскіх кварталах, у зонах баявых дзеянняў і ўзброенных канфліктаў, у лагерах уцекачоў. без падобных школ многія дзеці аказаліся б назаўсёды згубленымі для свету. Арцыбіскуп Челесціно Мільёрэ выказаў надзею, што наступная Пленарная сесія ААн па пытаннях правоў дзяцей прапануе абноўленую палітыку да рэалізацыі на карысць дзяцінства.