Një punishte e re druri në Vaun e Dejës. Me ne, imzot Lucian Avgustini.
(20.12.2007 RV)Një muaj më parë dioqeza e Sapës ishte në festë: një festë jo
e zakonshme: përuroi, në Vaun e Dejës, punishten e drurit. Është një vepër e re, realizuar
në bashkëpunim me famullinë romake të Shën Polikarpit, që tregon se Kisha shqetësohet
edhe për kushtet e jetesës së besimtarëve të vet e sidomos, të rinjve. Festë e solidariteteit
ndërmjet Kishave, por edhe shprehje e përpjekjeve të Kishës për formimin e gjithanshëm
të njeriut, sidomos të të rinjve. Pikërisht të rinjtë ka në qendër të vëmendjes
ipeshkvi i ri i Sapës, imzot Lucian Avgustini, i cili përpiqet t’u krijojë kushte
pune pranë vatrave të tyre, duke i bindur se nuk duhet të ikin në Evropë, por duhet
ta sjellin Evropën në vendin ku jetojnë:
Prelati i
Sapës shprehet plot optimizëm për punishten e re të drurit, sepse kjo vepër nuk është
as e para e as e vetmja. Në dioqezën e Sapës është ngritur edhe kantina e re për verën
e famshme të Kallmetit e mendohet edhe për realizime të tjera… Imzot Lucian
Avgustini e di se nuk mjafton t’u bësh të rinjve thirrje të thata të mos largohen
nga vendi: Kisha dëshiron t’i ndihmojë konkretisht të jetojnë si duhet në vend, përmes
formimit të tyre të gjithanshëm…