(17.12.2007 RV)Turqia në qendër të vëmendjes së shtypit ndërkombëtar edhe për
sigurinë e të krishterëve. Dje paradite, Eprori i Rojtarisë së Turqisë, atë Adriano
Frankini u sulmua me thikë nga një i ri turk 19-vjeçar pas meshës, së kremtuar në
një fshat të vendit. I riu është dorëzuar më pas në polici, ku ka deklaruar se është
hakmarrë për kohën e gjatë që duhet pritur para se të kthehet në krishterim. Fjala
është pa dyshim për katekizmin e detyrueshëm për çdo të krishterë, që dëshiron të
marrë Sakramentet, në mënyrë që të dijë kuptimin e fesë dhe të kuptojë mirë arësyen
që e shtyn për t’u bërë i krishterë.