Në Portugali ndizen 10 milionë yje për paqen në prag të Krishtlindjes.
(16.12.2007 RV)Në përgjigje të fushatës së Karitasit portugez “10 milionë yje,
një gjest paqeje’, mijëra qirinj u ndezën mbrëmë në qytetet e ndryshme të Portugalisë,
si simbol koral për paqen në botë. Të njëjtët qirinj do të ndizen rishtas natën
e 24 dhjetorit në dritaret e shtëpive, për të treguar se banorët e tyre janë mbrojtës
të vlerës së madhe të paqes në një botë që gjakoset ditë për ditë e që kërkon më kot
të paktën një çast pa të shtëna armësh e pa njerëz të vdekur. Është e pesta herë që
Karitasi portugez organizon një natë të tillë, me dëshirën që të kontribuojë për kulturën
e paqes e të shrrënjosë përmasën konsumistike e materialistike që merr shpesh solemniteti
i Lindjes së Krishtit.Lëmoshët që do të mblidhen nga blerja e qirinjëve, do të përdoren
për të ndihmuar gratë portugeze në vështirësi dhe Angolën, në kuadrin e një projekti
ndërkombëtar në ndihmë të vendit afrikan.