Надзея на Хрыста і узаемнае прабачэнне - вось ключы, якія адчыняюць брамы да міру
на Зямлі. Гэта сцвердзіў папа Бенедыкт 16 у сваім пасланні да моладзі ў Тэзэ.
Сустрэча, прыгадаем, сёлета юбілейная - 30-я. Адбудзецца па традыцыі адразу пасля
калядаў у Жэневе. Грамада Тэзэ,заснаваная братам Ражэ - пратэстанцкім святаром у
гэтым мейсцы на поўдні Францыі, якое дала ёй імя, з'яўляецца цэнтрам экуменічнага
жыцця моладзі Еўропы. Новы этап сустрэчы на рагу году адыходзячага і Новага мае тытул
"Даверлівая пілігрымка па зямлі". Папа прапануе моладзі крочыць штодня ў малітве -
кожнаму як асоба і ўсе разам - як Царква. Менавіта уз'яднанне ў дабры, любові і надзеі
усяе чалавечае сям'і і ёсць Нявестаю Хрыстовай, таму так важныя словы папы:"Толькі
Хрыстус дорыць ключы сапраўднай надзеі - тае надзеі, якая перавышае і ўключае ў сабе
кожную нашу маленькую надзею... бо накіраваная на вечнае шчасце". Карыстаючы з магчымасці
звярнуцца да ўсяе моладзі добрае волі - бо акрамя членаў грамады Тэзэ малітоўныя навагоднія
сустрэчы прымаюць тысячы гасцей розных краін Еўропы, а зараз і ўсяе планеты - розных
веравызнанняў ці нават няверуючых, Бенедыкт 16 навучае: "Ваш давер да Бога можа
нарадзіць у вас надзею і памагчы памяняць свет, укараняючы вас у эвангельскіх каштоўнасцях,
асабліва ў прабаччэнні - экстрымальнай вяршыні любові". Папа заключае пасланне сцверджаннем,
што "мір ёсць плёнам справядлівасці , дык перавышае прабачэнне ды запячатвае сапраўды
прымірэнне між тымі, хто яшчэ ўчора ваявалі і супрацьставіліся, дазваляючы ім рабіць
крокі разам."