CIA: Irani ka ndërprerë programin bërthamor në vitin 2003
(04.12.2007 RV)Shërbimet sekrete amerikane deklaruan se Irani e ka ndërprerë
programin e tij bërthamor që nga vjeshta e vitit 2003, por për presidentin amerikan
Bush ai mbetet një kërcënim serioz kundër paqes në botë. Lajmi nuk çudit Agjensinë
ndërkombëtare për Energjinë Atomike në Vjenë, e cila ka vite që thotë të njëjtën gjë.
Edhe në Republikën islamike, lajmi është komentuar me tone pozitive.
Pas fitores
në zgjedhjet e së dielës, presidenti rus Putin injoron shqetësimet e shprehura
nga Roma, Berlini e Londra dhe i deklaron ato mëse demokratike. Ato kanë forcuar
ligjshmërinë e parlamentit, sipas tij, dhe janë shenjë se populli rus dëshiron stabilitet.
Por edhe organizmi kryesor i pavarur për monitorimin e zgjedhjeve, rusi GOLOS është
shprehur se zgjedhjet nuk ishin të lira. E ndërsa presidenti francez Sarkozi përshëndeti
nxehtësisht fitoren e presidentit Putin, kolegu amerikan Bush nuk deshi as t’i telefonojë
atij.