Багародзічная малітва "Анёл Гасподні" з Папам у нядзелю 2-га сьнежня
Пасьля павароту ў Ватыкан, а паўдні, Сьвяцейшы Айцец сустрэўся з вернікамі і паломнікамі,
якія прыбылі на Плошчу Сьвятога Пятра, на паўднёвай марыйнай малітве. У часе сустрэчы
з вернікамі Бэнэдыкт 16 сімвалічна перадаў усяму Каталіцкаму Касьцёлу ды ўсім людзям
добрае волі сваю новую Энцыкліку аб хрысьціянскай надзеі. Сваё разважаньне прысьвяціў
Адвэнту, які толька-што пачаўся. Новы Літургічны Год прыпамінае, што чалавек патрабуе
аднаўленьня “ад унутра”, а адзінаю сапраўднаю навізною ёсьць Ісус Хрыстос. Таму веруючыя
пастаянна жывуць надзеяю сустрэчы з Госпадам- падкрэсьліў Сьвяцейшы Айцец. Сёньняшняя нядзеля
зьяўляецца найбольш адпаведным днём, каб ахвяраваць усяму Каталіцкаму Касьцёлу ды
ўсім людзям добрае волі маю другую Энцыкліку, якую я вырашыў прысьвяціць менавіта
тэме хрысьціянскай надзеі. Яна мае загаловак “Spe salvi”, таму што адкрывае яе сказ
Сьвятога Паўла : “Spe salvi- facti sumus”- ( У надзеі мы збаўленыя”. Сьвяцейшы Айцец
падкрэсьлівае, што як у гэтым так і ў іншых фрагмэнтах Новага Запавету, слова “надзея”
шчыльна спалучаецца са словам “вера”. Гэта дар, які пераменьвае жыцьцё таго, хто
яго атрымлівае, як паказвае дасьведчаньне многіх Сьвятых. “У чым заключаецца гэтая
надзея ( так вялікая і невыказаная, што загадвае нам сьцвярджаць, што ў “ёй” нашае
збаўленьне?- запытаўся Папа. У сваёй істоце яна заключаецца на знаёмасьці Бога, на
адкрываньні Ягонага сэрца- добрага і міласэрнага Айца--- паясьніў Папа. Далей Бэнэдыкт
16 прыпомніў праўду, якая зьмешчаная ў Энцыкліцы, што навука не ў стане збаціць чалавека.
“Збаўлівае яго толькі любоў, якая дабром і прыгажосьцю напоўнівае яго асаблістае і
грамадзкае жыцьцё”. Адсюль вынікае, што канчатковую надзею гарантуе Бог, які адведаў
нас у Ісусе Хрысьце”- сказаў Папа.