Дар Папы Бэнэдыкта 16 для Патрыярха Барталамея І-га
30-га лістапада Праваслаўная Царква Канстантынопаля ды іншыя Праваслаўныя Цэрквы,
якія прытрымліваюцца Новага Стылю, ўшаноўваюць Сьвята Апостала Андрэяя (Першапкліканага)
, брата Пятра. З гэтае нагоды ў Істамбул (Турцыя) прыбыла дэлегацыя Апостальскай
Сталіцы, на чале з кардыналам Вальтэрам Каспэрам, Старшынёю Папскае Рады да Спраў
Адзінства Хрысьціян. Дэлегацыя ўдзельнічала ў Літургіі ў Фанар, сядзібе Канстантынопальскага
Патрыярха. Пасьля Сьвятой Імшы ў сядзібе Патрыярхату , кардынал Каспэр перадаў пасланьне
Папы Бэнэдыкта 16-га да Барталамея І-га. Папа перадаў таксама Патрыярху як дар копію
мазаікі з Базылікі Сьвятога Віталіса, што знаходзіцца ў Равэнне, ў Італіі. Гэтая
копія мае ўвекавечыць першую гадавіну сустрэчы Папы Рымскага з пачэсным кіраўніком
сусьветнага праваслаў”я, якая адбылася з нагоды паломніцтва Бэнэдыкта 16-га ў Турцыю.