Мы паведамлялі пра важныя царкоўныя крокі па барацьбе са СНІДам у Беларусі. А сёння
з Украіны паведамілі, што УГКЦ правяла такога роду Канферэнцыю непадалёк ад Львова.
Адно з 1-х месцаў у Еўропе па распаўсюджанню СНІДу займае менавіта Украіна. "Душпастырскі
адказ на распаўсюджанне СНІДу-ВІЧ-інфенкцыі" - назва сходу. Яе зарганізаваў сакратарыят
Вярхоўнага грэка-каталіцкага Арцыбіскупа сумесна з царкоўнай Камісіяй па справах духоўнага
наталення УГКЦ, каталіцкай міласэрднай арганізацыяй "Карітас Украіны " пры падтрымцы
Аб'яднанай тэматычнай праграмы ААН. Акрамя святых айцоў і міранаў грэка і рыма-каталіцкай
Царквы, у сходзе прынялі ўдзел прадстаўнікі рэспубліканскіх структур аховы здароўя.
Акрамя практычных пытанняў па прафілактыцы і лячэнні ВІЧ-інфекцыяваных размова ішла
і пра адчужэнне няшчасных хворых і носьбітаў інфекцыі на розных узроўнях грамадства.
Было дамоўлена разам займацца тлумачэннем праблемы кантакту. Былі запрошаныя да тлумачальнай
работы царкоўныя дзеячы, якія маюць самы высокі ўзровень даверу ў грамадстве.