Paraqitet në Vatikan mesazhi i Papës për ditën Ditën e 94-t Botërore të Emigrantit
dhe të Refugjatit.
(28.11.2007 RV) “Të dashur të rinj emigrantë, përgatituni për të ndërtuar,
pranë bashkëmoshtarëve tuaj, një shoqëri më të drejtë e më vëllazërore, duke i kryer
me kujdes e seriozitet detyrat tuaja ndaj famijes e ndaj shtetit”. Këtë u kërkon Papa
të rinjve emigrantë në mesazhin e tij për Ditën e 94-t Botërore të Emigrantit dhe
të Refugjatit, që do të kremtohet më 13 janar 2008. Studentët besimtarë, të cilët
për arsye studimi jetojnë larg shtëpisë, Benedikti XVI i nxit në mënyrë të veçantë
të thellojnë dijet e dashurinë për Krishtin dhe i porosit: “Duke ardhur nga kultura
të ndryshme, por të bërë një, sepse i përkisni së njëjtes Kishë të Krishtit, mund
të tregoni se Ungjilli është i gjallë e i përshtatshëm për çdo situatë”.