Прайшла прэзентацыя новага ватыканскага дакумента, прысвячанага каталiцкай адукацыi.
Кардынал Грахалеўскi, якi ўзначальвае Кангрэгацыю да спраў каталiцкай адукацыi, заявiў,
што ў адукацыйнай галiне iснуюць вялiкiя праблемы. У той час, калi каталiцкая адукацыя
накiравана на тое, каб рэагаваць на зло гэтага свету: суб’ектывiзм, маральны рэлатывiзм
i нiгiлiзм, выкладчыкi каталiцкiх навучальных устаноў адчуваюць дэматывацыю i фрустрацыю
з боку кіраўнікоў і калег у галiне адукацыi. Гэта заявiў 20 лiстапада кардынал
Зенон Грахалеўскi, прэзентуючы дакумент пад назвай “Выхоўваць разам у каталiцкай школе.
Падзеленая мiсiя святароў i свецкiх вернiкаў”. Згаданы дакумент быў выпрацаваны Кангрэгацыяй,
якую ўзначальвае кардынал Грахалеўскi. Ён зазначыў, што ў свеце iснуе каля 250.000
каталiцкiх навучальных устаноў, у якiх вучацца прыкладна 42.000.000 асобаў. “Прапанаваць
iдэi да разважання аб выхаваўчай дзейнасцi, якая падзяляецца памiж святарамi i свецкiмi
вернiкамi – гэта асноўная мэта новага ватыканскага дакумента, якi накiраваны на тое,
каб фармаваць i накiроўваць свецкiх вернiкаў i святароў у iх каталiцкай адукацыi “,
- зазначыў кардынал. – “Хаця ж у апошнi час назiраецца тэндэнцыя скарачэнне колькасцi
рэлiгiйных устаноў, якiя кiруюцца законнiкамi, што тлумачыцца скарачэннем членаў законнiцкiх
суполак”, - сказаў кардынал Зенон Грахалеўскi.