Умілаваныя ў Хрысце браты і сёстры, усе, хто праслаўляе Пана сваім спевам! Ад
усяго сэрца вітаю вас і віншую са святам харыстаў, які адзначаецца ў дзень святой
Цэцыліі, панны і мучаніцы. Тут, у Рыме, дзе ў катакомбах святога Калікста была
пахавана апякунка царкоўных спеваў св. Цэцылія, я ў малітве яднаюся з вамі і праз
заступніцтва вашай апякункі выпрошваю для вас шчодрасці Божых ласкаў. Словамі псальміста
— “Спявайце Пану новую песню” (пар. Пс 32, 3) — хачу пажадаць, каб вы заўсёды былі
новымі, поўнымі хрысціянскіх цнотаў людзьмі, а сваім прыгожым і натхнёным спевам,
па словах св. Аўгустына, памнажалі малітву Божага народа ў нашых святынях і дапамагалі
будаваць новы, поўны духоўнай радасці і шчасця, свет. З малітваю, удзячнасцю за
вашае служэнне Касцёлу і благаслаўленнем Арцыбіскуп Тадэвуш Кандрусевіч Мітрапаліт
Мінска-Магілёўскі Рым, 20 лістапада 2007 г. Паводле Catholic.by