Папа наведае ў будучым годзе гэты амэрыканскі кантынэнт. Ад 15-га да 20-га
красавіка Сьвяцейшы Айцец будзе знаходзіцца з Апостальскім Візітам у Вашынгтоне і
Ню Ёрку. Падрабязны план гэтага падарожжа абвясьціў у Балтімор Апостальскі Нунцый
ў ЗША, арцыбіскуп Петро Самбі. Папа прыбудзе ў Вашынгтон 15-га красавіка. Дзень
пазьней ў свае 81-я народзіны адведае ў Белым Доме Прэзыдэнта Джорджа Буша. Пасьля
поўдня ў тамашнім Санктуарыі Непарочнага Зачацьця Марыі сустрэнецца з Эпіскапатам
ЗША. 17-га красавіка Бэнэдыкт 16 адправіць Сьвятую Эўхарыстыю ў Вашынгтоне на спартыўным
стадыёне “Тэ Нацыёнальс”. У гэтым дні запланавана таксама дзьве сустрэчы: з уладамі
касьцельных навучальных установаў у Каталіцкім Унівэрсытэце Амэрыкі ды з прадстаўнікамі
нехрысьціянскіх рэлігій ў вашынгтонскім Цэнтры імя Яна Паўла ІІ. 18-га красавіка
Папа наведае сядзібу ААН у Ню Ёрку, дзе скажа прамову да Агульнага Зграмаджаньня.
19-га красавіка, ў трэцюю гадавіну свайго выбару на Рымскага Папу, Бэнэдыкт 16 адправіць
Сьвятую Імшу ў нюёркаўскай катэдры Сьвятога Патрыка, а затым сустрэнецца з сэмінарыстамі.
Раніцай 20-га красавіка Сьвяцейшы Айцец наведае так званы “нулявы мэрэдыян” у Ню Ёрку-
месца тэракту на дзьве вежы 11-га верасьня 2001-га году. Гэтага самага дня адправіць
Сьвятую Імшу на стадыёне гораду. Абвяшчаючы апостальскае падарожжа Папы у ЗША арцыбіскуп
Самбі выказаў надзею, што прынясе яно “новую вясну” ў жыцьцё амэрыканскага Касьцёла.