(20.11.2007 RV)Mëse 140 gazetarë që protestonin në Pakistan kundër kufizimeve
të vendosura ndaj mediave nga regjimi i presidentit Pervez Musharraf janë arrestuar
në Karaçi dhe Hiderabad. Në Karaçi, disa manifestues që u përpoqën të fillonin një
marrshim proteste u plagosën në ndeshje me policët. Ndërkaq, gjenerali do të betohet
si president civil i Pakistanit, të premten ose të shtunën. Qeveria e përkohshme ka
deklaruar se ka liruar 3 mijë opozitorë të arrestuar në protestat e mëparshme. Data
e zgjedhjeve parlamentare është fiksuar 8 janari i vitit të ardhshëm.