100-годдзе айца Пэдро Арупе - ініцыятара абнаўлення таварыства Езуса, усенародна адзначваецца
ў Більбао, на радзіме славутага езуіта. Наш кіраўнік айцец Клаўдзій яшчэ семінарыстам
асабіста ведаў яго.
Цяперашні Генерал
- айцец Петер Ганс Кальвенбах пры адкрыцці ўрачыстасцей назваў папярэдніка "...верным
сведкам 2-га Ватыканскага Сабора". Ды й ня толькі сведкам. Нават сам Статут Таварыства
Езуса праз ягоную ініцыятыву быў зменены ў кантэксце рашэнняў Сабора. Асабліва ў раздзеле
абнаўлення манаскага жыцця. Як адзначваюць ў гэтыя дні многія газеты ў Гішпаніі
і ватыканская газета "Рымскі аглядальнік" , кіраўнік Ордэна езуітаў успрыняў з вялікім
даверам і паслушэнствам рашэнні Сабора і з энтузіязмам ажыццяўляў іх ў Таварыстве.
Асабліва яго натхніла ідэя ўз'яднання, бо было шмат падзелаў у Царкве таго перыяду.
Менавіта Сабор узяў курс на згоду і ўз'яднанне, што сталася галоўным сэнсам дзеяння
маладога тады кіраўніка ордэна езуітаў. Так, як было задумана і стваральнікам Таварыства
Ісусавага - Ігнатам Лайолам. Таварыства Езуса, як адзначваецца на ўрачыстасцях
у Більбао, працягвае гэты рух да ўдасканальвання ў духу 2-га Ватыканскага Сабора,
як гэта рабіў і айцец Пэдро Рупэ - не рэвалюцыйна, але праз рэформы, у пераймальнасці
і адкрытасці да навацый.Тэксты ягоных роздумаў дагэтуль ёсць карыснаю крыніцай для
паслядоўнікаў як у самім таварыстве, так і для ўсіх даследчыкаў. Дарэчы, наш кіраўнік
айцец Клаўдзій асабіста ведаў яго.Нажаль, толькі ў апошнія гады, калі той нёс крыж
пакуты цяжкай хваробы: 10 гадоў айцец Пэдро Арупе быў спаралізаваным і даваў Богу
сведчанне паслухмянасці і вернасці сваім абавязкам, нават у такім стане.