Një ditë pas votimeve në Kosovë: me ne, ipeshkvi Dodë Gjergji.

(18.11.2007 RV)Dje, rreth 1 milion e gjysëm votues kosovarë zgjodhën parlamentin e ri, kryetarët e komunave dhe asambletë komunale.
Në prag të kësaj ngjarjeje kaq të rëndësishme, ipeshkvi i Kosovës, Imzot Dodë Gjergji, përmes një Deklarate, u kujtoi gjithë zgjedhësve pergjegjësinë e rëndë që kanë në përpjekjen për krijimin dhe funksionimin e shtetit, si subjekt i autoritetit politik. E kjo përgjegjësi nuk mbaron, por fillon me përfundimin e zgjedhjeve, një ditë para të cilave, në një intervistë dhënë Radios sonë, imzot Gjergji u shpreh kështu: